ᑑᒪᓯ ᐸᓂᓗᒃ

QTCR28IN

ᑑᒪᓯ ᐸᓂᓗᒃ ᐃᓅᓕᓚᐅᖅᐳᖅ 1950ᒥ. ᓄᑕᕋᐅᑦᓱᓂ ᐱᕈᖅᓴᓚᐅᖅᑐᖅ ᑭᕕᑑᒥ ᐊᒻᒪᓗ ᖃᓪᓗᓈᑦ ᓄᓇᖓᓂ ᐋᓐᓂᐊᕕᓐᓂ, ᐳᕙᓪᓗᒋᐊᖅᑐᖅᓯᒪᓪᓗᓂ. ᐅᓂᒃᑲᐅᓯᒃᑯᑦ ᓇᓗᓇᐃᖅᓯᓂᕆᔭᖓ ᑐᓴᐅᓯᕐᓇᖅᐳᖅ ᓄᑦᑎᕐᓂᕆᓚᐅᖅᓯᒪᔭᒥᓂ ᓇᒻᒥᓂᖅ ᕿᑭᖅᑕᕐᔪᐊᒧᑦ, ᓄᑦᑎᖅᑕᐅᓚᐅᖅᑎᓐᓇᒋᑦ ᑭᕕᑑᒥᐅᑕᓕᒫᑦ ᐊᕐᕌᒍᖏᓐᓂ 1963-1964−ᓗ. ᐊᑖᑕᖓ ᐊᐅᓪᓚᐅᔾᔭᐅᓯᒪᑎᓪᓗᒍ ᐋᓐᓂᐊᕕᒻᒧᑦ, ᐊᕐᓇᑦᓴᖓ ᓄᑦᑎᖁᔭᐅᓯᓚᐅᖅᓯᒪᔪᖅ ᒥᐊᓕᒐᒃᑯᑦ ᓈᓚᐅᑎᖃᕐᕕᖓᓄᑦ Cape Dyer-ᒧᑦ 1958−ᖑᑎᓪᓗᒍ. ᑕᐃᑲᓂ ᓄᓇᖃᓚᐅᖅᓯᒪᔪᖅ ᑎᑭᐅᑎᑦᓱᒍ ᐊᕐᕌᒍᖅ 1959 ᐃᓕᓐᓂᐊᕆᐊᖁᔭᐅᓂᕐᒧᑦ ᕿᑭᖅᑕᕐᔪᐊᒥ. ᓄᑕᕋᐅᑦᓱᓂ, ᐊᑦᓱᕉᑎᖃᓚᐅᖅᑐᖅ ᐊᕕᑎᑕᐅᓯᒪᓂᕐᒥᓂᒃ ᐃᓚᒥᓂᒃ. ᐅᓪᓗᒥᒧᑦ ᓱᓕ ᐊᖏᕐᕋᖃᕐᓂᕋᖅᐸᑦᑐᖅ ᑭᕕᑑᒥᒃ ᐊᒻᒪᓗ ᐅᑉᐱᕆᔭᖃᖅᑐᖅ ᓄᑦᑎᖅᑕᐅᓂᕆᓯᒪᔭᖏᑦ ᑭᕕᑑᒥᐅᑕᐃᑦ ᑕᒻᒪᕐᓂᐅᓯᒪᒋᐊᖓ.