ᐋᓗᓘᖅ ᑲᐅᑐᒃ

ᐋᓗᓘᖅ ᑲᐅᑐᒃ ᐃᓅᓕᓚᐅᖅᐳᖅ 1949ᒥ. ᐅᓂᒃᑲᐅᓯᒃᑯᑦ ᓇᓗᓇᐃᖅᓯᓂᕆᔭᖓ ᑐᓴᐅᓯᕐᓇᖅᐳᖅ ᓄᓕᐊᖓᑕ ᐊᑦᓱᕈᕐᓇᖅᑐᒃᑯᑦ ᐊᑐᓚᐅᖅᓯᒪᔭᖓᓂᒃ ᐊᐅᓪᓚᐅᔾᔭᐅᓂᕐᒧᑦ ᖃᓪᓗᓈᑦ ᓄᓇᖓᓐᓄᑦ ᐋᓐᓂᐊᕕᓕᐊᖅᑎᑕᐅᓪᓗᓂ ᒪᒥᓴᖅᑕᐅᓂᕐᒧᑦ ᐅᕕᒃᑲᐅᓪᓗᓂ. ᐃᓐᓇᐅᓕᕋᒥ, ᓯᓪᓗᒍᑎᖃᓚᐅᖅᑐᖅ ᑕᑕᑎᖅᓯᒪᔭᖓ ᑮᓇᐅᔭᖅᑖᕈᑎᒋᒐᓱᐊᖅᑕᖓ ᐃᓕᓐᓂᐊᕆᐊᖅᑎᑕᐅᖃᑦᑕᖅᑐᕕᓂᕐᓄᑦ ᐊᖏᖅᑕᐅᓚᐅᙱᒻᒪᑦ. ᐋᓗᓘᖅ ᐅᖃᐅᓯᖃᓚᐅᕐᒥᔪᖅ ᐊᑦᓱᕈᕐᓂᕆᓚᐅᖅᑕᒥᓂ ᓄᑦᑎᑎᖅᑎᓪᓗᒋᑦ ᑲᖏᖅᑐᒑᐱᒻᒧᑦ. ᐃᓪᓗᖃᖅᑎᑕᐅᓃᑦ ᓈᒻᒪᖏᑦᑐᓂᒃ ᐊᑦᓱᕉᑎᒋᓗᐊᓚᐅᖅᑕᖓ. ᐅᖃᐅᓯᖃᕐᒥᔪᖅ ᐳᑭᖅᑕᓖᑦ ᐊᖏᔪᖅᑲᐅᓯᕐᓂᕆᖃᑦᑕᖅᑕᖏᓐᓂᒃ ᐃᓄᓐᓄᑦ. 1971−ᖑᑎᓪᓗᒍ ᐅᖃᐅᔾᔪᖅᑕᐅᓚᐅᖅᓯᒪᔪᖅ ᐳᑭᖅᑕᓕᓐᓄᑦ ᕿᒻᒥᖏᑦ ᐱᑐᑦᓯᒪᒋᐊᓂᖏᓐᓂᒃ. ᖁᕕᐊᓲᑎᖃᖅᑎᓪᓗᒍ ᑲᑎᑎᑕᐅᓂᕐᒥᓂ, ᖃᐅᔨᒪᓚᐅᖏᑦᑐᖅ ᕿᒻᒦᔭᖅᑕᐅᓂᕐᒥᓂ ᐊᒥᐊᒃᑯᔭᐅᑦᓱᓂ