ᔪᐊᓇᓯ ᐃᓪᓚᐅᖅ

QTCR07IN

ᔪᐊᓇᓯ ᐃᓪᓚᐅᖅ ᐃᓅᓕᓚᐅᖅᐳᖅ 1949ᒥ ᓄᓇᓕᕋᓛᕐᒥ ᑲᖏᖅᑐᒑᐱᐅᑉ ᖃᓂᒋᔮᓂ. ᐅᓂᒃᑲᐅᓯᒃᑯᑦ ᓇᓗᓇᐃᖅᓯᓂᕆᔭᖓ ᑐᓴᐅᓯᕐᓇᖅᐳᖅ ᐃᖅᑲᐅᒪᑦᑎᐊᖅᑕᖓᑕ ᒥᒃᓵᓄᑦ ᓄᑕᕋᐅᑎᓪᓗᒍ ᐳᕙᒡᓗᒃᑐᑦ ᐋᓐᓂᐊᕐᕕᖓᓂ ᕼᐊᒥᓪᑕᓐᒥ. ᑕᐃᑲᓂ ᐃᓖᔭᕆᔭᐅᕙᓚᐅᖅᐳᖅ, ᐊᓯᖏᓪᓗ ᐃᓄᐃᑦ ᓄᑕᒃᑯᑦ, ᐃᓄᒃᑎᑐᑦᑕᐃᓐᓇᖅ ᐅᖃᓪᓚᖃᑦᑕᓚᐅᕋᒥ. ᔪᐊᓇᓯ ᐅᖃᐅᓯᖃᓚᐅᕐᒥᕗᖅ ᑕᒪᕐᒥᑲᓴᒃ ᕿᒻᒦᖅᓯᓚᐅᖅᓯᒪᓂᕐᒥᓂᒃ ᑲᖏᖅᖢᒑᐱᖕᒧᑦ ᓱᓇᑯᑖᓂᒃ ᐊᐃᒃᖠᖅᑎᓪᓗᒍ. ᐃᓚᖏᑦ ᕿᒻᒥᖏᑦ ᐃᐲᙶᓕᓚᐅᕐᒪᑕ ᐅᓐᓄᐊᒃᑯᑦ ᖁᑭᖅᑕᐅᓪᓗᑎᒃ ᐸᓖᓯᒧᑦ ᕼᐊᓐᓴᓐ ᐸᐃᒥᓗ ᓄᐅᕕᕐᕕᖕᒥ ᐃᓴᒪᑕᕆᔭᐅᔪᒧᑦ. ᔪᐊᓇᓯ ᐅᓂᒃᑳᓚᐅᖅᐳᖅ ᐊᔪᖅᓴᓚᐅᕐᓂᖏᓐᓂᒃ ᐊᖓᔪᖓᓗ/ᓄᑲᖓᓗ (ᓇᓕᐊᑭᐊᖅ) ᐅᑎᖅᐸᓪᓕᐊᓪᓗᑎᒃ ᓄᓇᒥᓄᑦ. ᕿᒻᒥᖃᐅᙱᓪᓛᓗᒃᖢᑎᒃ ᐊᒥᓱᓂᒃ ᐅᓯᔭᕆᐊᖃᓚᐅᖅᐳᑦ.