ᐱᓐᖑᐊᕐᑐᖅ ᐅᑦᑐᕿ

QTCD29IN

ᐱᓐᖑᐊᕐᑐᖅ ᐅᑦᑐᕿ (ᖃᐅᔨᔭᒪᐅᓪᓗᓂ ᐃᖃᓗᒃ ᐱᓐᖑᐊᕐᑐᒃ) ᐃᓅᓚᐅᕐᓯᒪᔪᖅ ᐃᒡᓗᒥ ᑭᓐᖓᐃᑦ ᖃᓂᒋᔮᓂ 1942ᖑᑎᓪᓗᒍ. ᐃᖅᑲᐅᒪᑦᓯᓪᓗᓂ ᐊᑖᑕᒌᒃ ᐅᑎᖅᑕᖃᑦᑕᓚᐅᕐᖕᒪᑎᒃ ᑭᓐᖓᕐᓂᑦ ᐃᖃᓗᓐᓄᑦ ᐅᑎᒧᓪᓗ ᐊᕐᕌᒍᑦ ᐱᖓᓱᑦ ᐃᓗᐊᓂ ᐅᓂᒃᑳᕆᓪᓗᓂᐅᓪᓗ ᑲᔾᔮᓇᕐᓂᖓᓂᒃ ᕿᒧᑦᓯᒃᑯᑦ ᐃᖏᕐᕋᓪᓗᑎᒃ. 1959ᖑᑎᓪᓗᒍ, ᐃᓚᔮᕇᑦ ᑭᓐᖓᕐᓄᑦ ᓅᓚᐅᕐᑐᑦ. ᐸᓖᓯᒃᑯᑦ ᓄᓇᖅᑲᑎᒌᓕᕐᑐᓄᑦ ᑎᑭᑦᑕᕋᐃᒐᒥᒃ ᓄᓇᓕᓐᓄᑦ ᓇᕈᓯᒪᓂᕐᖕᒥᓂᒃ ᐅᖃᐅᔾᔪᐃᖃᑦᑕᓚᐅᕐᑐᑦ ᕿᒻᒦᑦ ᐱᑐᒃᓯᒪᖁᔭᐅᓪᓗᑎᒃ. ᐃᓚᒌᑦ ᐱᑐᒃᓯᒪᑎᑦᓯᖃᑦᑕᓚᐅᕐᑑᒐᓗᐊᑦ ᕿᒻᒥᒥᓂᒃ ᑭᓯᐊᓂᓕ ᖁᑭᖅᑕᐅᑐᐃᓐᓇᓚᐅᕐᒥᔪᑦ ᑰᒐᓛᒦᓚᐅᕐᖓᑕ ᐃᒥᖅᑕᕐᕕᐅᔪᒪᔪᒥᒃ ᐊᐅᔭᐅᓂᖓᓂ. ᐅᓂᒃᑳᓕᒃ ᕿᒻᒦᑦ ᐊᑑᑎᖃᓪᓚᕆᓐᓂᖏᓐᓂᒃ ᐆᒪᔪᕋᓱᓐᓂᕐᖕᒧᑦ ᕿᒻᒦᓪᓗ ᐃᖅᓯᓇᖃᑦᑕᓚᐅᓐᖏᒻᒪᑕ ᐊᒻᒪ ᐃᖅᓯᓇᕐᑐᖃᑐᐊᕈᓂ, ᓇᖕᒥᓂᖏᓐᓄᑦ ᑐᖁᑕᐅᕙᑦᑐᑎᒃ. ᐃᖅᑲᐅᒪᑦᓯᓪᓗᓂ ᑐᖁᕋᐃᓚᐅᕐᑎᓪᓗᒋᑦ ᖃᓄᖅ ᐊᑖᑕᖓ ᐃᓱᒪᓪᓕᕐᓯᒪᓚᐅᕐᒪᖔᑦ. ᐊᓈᓇᖓ ᐊᐅᓪᓚᕈᔾᔭᐅᓚᐅᕐᓯᒪᔪᒥᓂᖅ ᖃᓪᓗᓈᓄᑦ ᐳᕙᓪᓗᕝᕕᒻᒧᑦ ᐃᓅᓕᓴᕐᑕᐅᔭᕐᑐᖅᑐᓂ ᐋᓐᓂᐊᕕᒻᒦᓚᐅᕐᑐᖅ ᐊᕐᕌᒎᓐᓂᒃ ᒪᕐᕉᓐᓂᒃ.