ᓄᓇ ᐹ

QTCD27IN

ᓄᓇ ᐹ ᐃᓅᓕᓚᐅᖅᑐᖅ 1949ᒥ ᓄᓇᖃᕐᕕᐅᔪᒥ ᑭᙵᐃᑦ ᖃᓂᒋᔮᓂ. ᐃᓚᖏᑦ ᕿᙵᕐᒥᐅᑕᐅᓕᓚᐅᖅᑐᑦ 1958ᒥ ᓄᑕᖅᑲᑦ ᐃᓕᓐᓂᐊᕆᐊᖃᓕᕐᒪᑕ. ᐃᒡᓗᑖᖅᑎᑕᐅᓚᐅᖅᐳᑦ ᐅᖃᐅᔾᔭᐅᓪᓗᑎᒃ ᐃᒡᓗᒧᑦ ᐊᑭᓖᕙᒃᑕᖓ ᑕᖅᑭᑕᒫᑦ $2ᖑᓂᐊᕐᓂᕋᖅᑕᐅᓪᓗᓂ. ᑭᖑᓂᐊᒍᑦ ᑐᓴᓚᐅᖅᑐᑦ ᖃᕐᒪᖓᒎᖅ ᓄᓇᖃᕐᕕᖕᒥᓂ ᐃᑭᑎᑕᐅᓚᐅᕐᓂᖓᓂᒃ. ᓄᓇᐅᑉ ᕿᒻᒥᓂ ᖁᑭᖅᑕᐅᔪᑦ ᑕᑯᓚᐅᖅᐸᖏᑦ ᒪᕐᕉᖕᓄᑦ ᐸᓖᓰᓄᒃ. ᑕᓪᓕᒪᐅᔪᑦ ᕿᒻᒦᑦ ᐃᐱᖅᓯᒪᓚᐅᖅᐳᑦ ᓯᒡᔭᐅᑉ ᖃᓂᒋᔮᓂ. ᑕᐃᒪᐃᓯᒫᓂᓕᕐᒪᑦ, ᓂᙵᓚᐅᖅᐳᖅ ᑐᖂᑦᑎᓂᐊᕐᓂᕋᖅᖢᓂᐅᒃ ᐸᓖᓯᐅᑉ ᐃᕐᓂᖓᓂᒃ. ᓱᖅᑯᐃᓱᒃᑐᖅ ᖁᑭᖅᑕᐅᓂᖏᑦ ᑭᖑᓂᐊᓃᓚᐅᖅᑐᖅ ᓂᕕᐊᖅᓯᐊᑯᓗᒃ ᐅᒋᐊᖅᑕᐅᒐᒥ ᐃᑭᒥᓄᑦ ᑐᖁᓚᐅᕐᓂᖓᓄᑦ. ᓄᓇ ᓱᓕ ᕿᒻᒥᖃᖅᕈᖅ ᐃᓪᓗᒥᓗ ᓱᓕ ᕿᒧᒃᓯᖅᖢᓂ ᐊᖑᓇᓱᒃᐸᒃᐳᖅ.