ᓯᐅᔪᖅ ᑐᓄ

ᓯᐅᔪᖅ ᑐᓄ ᐃᓅᓚᐅᖅᑐᖅ 1928ᒥ ᑭᒻᒥᕈᕐᖕᒥ. ᑲᔾᔭᐅᓴᓪᓗᓂ ᐅᓂᒃᑳᕐᑐᖅ ᐃᓅᓯᕆᓚᐅᕐᑕᒥᓂᒃ ᓄᓇᒥᓐᓂ ᖃᑕᓐᖑᑎᒌᑦ ᐃᓚᒌᓪᓗ ᓅᓚᐅᕐᓯᒪᓂᖏᓐᓂᒃ ᓄᓇᖅᑲᑎᒌᓕᕐᑐᓄᑦ. ᐅᓂᒃᑳᕆᓪᓗᓂᐅᓪᓗ ᓅᒋᐊᖃᓚᐅᕐᓂᕐᖕᒥᓂᒃ ᒨᔅ ᐹᒃᑐᕆᒧᑦ ᐳᕙᓪᓗᕝᕕᒻᒧᑦ ᐃᓅᓕᓴᕐᑕᐅᔭᕐᑐᖅᑐᓂ ᐅᓂᒃᑳᖃᕆᓪᓗᓂ ᕿᒻᒥᓂᒃ ᑐᖁᕋᕐᑕᐅᓚᐅᖅᑐᓂᒃ ᑲᓇᑕᐅᑉ ᐳᑭᖅᑕᓕᖏᑕ ᐸᓖᓯᖓᓐᓄᑦ ᐅᖃᖅᑳᓚᐅᕋᓂ ᐃᓄᒃᑕᖏᓐᓄᑦ ᓄᓇᒋᓂᐊᓕᕐᑕᒥᓄᑦ ᐃᓂᓪᓚᒃᐸᓪᓕᐊᓕᕐᑎᓪᓗᒋᑦ. ᓯᐅᔪᖅ ᓱᖅᑯᐃᓱᒃᐳᑦ ᐃᖏᕐᕋᓂᖅ ᐊᖑᓇᓱᖕᓂᕐᓗ ᐊᔪᕐᓇᕐᓂᖅᓴᐅᓕᓚᐅᕆᐊᖓ ᕿᒻᒥᖃᕈᓐᓃᕐᖓᑕ. ᑭᖑᓂᐊᒍᑦ, ᐃᓄᐃᑦ ᓂᕿᑖᕆᐊᖃᖃᑦᑕᓕᓚᐅᖅᑐᑦ ᓂᐅᕕᕐᕕᖕᒥᑦ. ᐃᖅᑲᐅᒪᒋᓪᓗᓂ ᕿᒻᒦᑦ ᐋᓐᓂᐊᒧᑦ ᑐᖁᕋᕐᑐᐊᓘᓚᐅᕐᖓᑕ ᑕᒪᒃᑭᖏᒃᑲᓗᐊᕐᑐᑎᒃ.