ᓵᓐᑎ ᑭᐊᓕ

QTCD17IN

ᓵᓐᑎ ᑭᐊᓕ ᐃᓅᓕᓚᐅᖅᑐᖅ 1954ᒥ ᑭᒻᒥᕉᑉ ᐱᓇᖕᓇᖅᐸᓯᐊᓂ. ᐱᕈᓚᐅᖅᑐᖅ ᐃᖃᓗᖕᓂ ᓅᓚᐅᖅᖢᓂᓗ ᑭᙵᕐᓄᑦ 1984ᒥ. ᑕᑭᓪᓗᓂ ᐅᓂᒃᑲᐅᓯᒃᑯᑦ ᓇᓗᓇᐃᖅᓯᓂᕆᔭᖓ ᑐᓴᐅᓯᕐᓇᖅᐳᖅ ᒪᕐᕈᐃᖅᖢᑎᒃ ᐸᓖᓯᒃᑯᑦ ᑐᖁᓴᐃᓚᐅᕐᓂᖏᓐᓂᒃ ᕿᒻᒥᓂᒃ ᐃᖃᓗᖕᓂ. ᑕᐃᒪᐃᓐᓂᑯᐊᓄᑦ ᐊᑖᑕᖓᑕ ᕿᒻᒥᓗᒃᑖᖏᑦ ᑐᖁᑕᐅᓚᐅᖅᐳᑦ ᕿᒻᒥᖓᓗ. ᓄᑕᕋᐅᓪᓗᓂ ᑕᑯᓚᐅᖅᐸᖏᑦ ᕿᒻᒦᑦ ᑐᖁᓴᖅᑕᐅᔪᑦ. ᓵᓐᓂ ᓇᓗᓇᐃᖅᓯᕗᖅ ᐊᔪᖅᓴᕐᓂᕆᖃᑦᑕᓚᐅᖅᑕᖏᓐᓂᒃ ᐃᖃᓗᖕᓂ ᕿᒻᒥᖃᙱᒻᒪᑕ ᐊᖑᓇᓱᓕᐊᕈᑎᔪᓐᓇᖅᑕᒥᓂᒃ. ᓂᙵᐅᒪᓂᖃᖅᐳᖅ ᐸᓖᓯᓄᑦ, ᐱᓗᐊᖅᑐᒥ ᐊᑖᑕᖓᑕ ᕿᒻᒥᖏᓐᓂᒃ ᕿᒻᒥᖅᑖᕐᓂᐊᓚᐅᕐᒪᑦ. ᐃᓕᓐᓂᐊᖃᑦᑕᕐᓂᕆᔭᖓᓄᑦ ᖃᓪᓗᓇᐅᔭᕈᓐᓇᕐᓂᖓᓄᓪᓗ ᐃᓄᓕᕆᔨᐅᔪᓐᓇᓚᐅᖅᐳᖅ, ᐊᖁᑎᐅᔪᓐᓇᖅᖢᓂᓗ ᐊᒻᒪ ᓇᖕᒥᓂᖅ ᐱᔅᓇᓯᖃᕈᓐᓇᖅᓯᓪᓗᓂ. ᑭᙵᕐᓂ ᐅᒥᐊᖅᑐᖅᑎᓪᓗᒋᑦ ᐱᕐᕈᓗᐊᕿᓚᐅᖅᑳᖅᑎᓪᓗᒋᑦ ᑐᖁᙱᖦᖢᓂᓗ ᐸᓖᓯᓄᑦ ᐱᑦᑎᐊᖅᑕᐅᓚᐅᙱᓐᓂᖓᓄᑦ ᑕᐸᐃᓚᖅᓯᒪᕗᖅ. ᓵᓐᑎ ᓲᖑᓴᒃᑕᐅᖃᑦᑕᓚᐅᕐᒥᔪᖅ ᐅᕕᓂᐅᖃᑎᒋᔭᐅᙱᒻᒪ ᐅᓇᑕᖅᑐᒃᓴᐅᖃᑕᐅᓪᓗᓂ ᑲᓇᑕᒥ.