ᑲᓇᔪᖅ ᐳᑐᒍᖅ

QTCD13IN

ᑲᓇᔪᖅ ᐳᑐᒍᖅ ᐃᓅᓚᐅᕐᓯᒪᔪᖅ 1948ᖑᑎᓪᓗᒍ, ᐊᒻᒪ ᓅᓚᐅᕐᓯᒪᓪᓗᑎᒃ ᑭᓐᖓᕐᓄᑦ 1958ᖑᑎᓪᓗᒍ. ᐊᑖᑕᑦᓯᐊᖓ ᓅᖁᔭᐅᓐᓂᓚᐅᕐᖓᑦ ᐋᓐᓂᐊᓕᕐᖓᑦ ᐃᓚᔮᖏᑦ ᕿᑐᕐᖓᖏᓪᓗ ᒪᓕᒃᓴᕐᑐᑎᒃ. ᐅᓂᒃᑳᖃᕆᓪᓗᓂ ᐊᔪᕆᕐᓯᐅᔩᑦ ᐊᑐᓪᓚᕆᓚᐅᕐᒪᑕ ᐊᑖᑕᖓᑕ ᐊᑖᑕᑦᓯᐊᖓᑕᓗ ᕿᒻᒥᖏᓐᓂᒃ ᓄᓇᓕᓐᓄᑦ ᓇᕈᓪᓗᑎᒃ. ᕿᒻᒥᖏᓪᓗ ᐊᑐᖅᑕᐅᖏᓐᓇᓚᐅᕐᑐᑦ ᓂᕿᑦᓴᕐᓯᐅᕈᑕᐅᓪᓗᑎᒃ ᐃᓅᖃᑎᖏᓐᓂᒃ ᓂᕆᑎᑦᓯᓂᐊᕐᖓᑕ. ᐅᑭᐅᖃᓕᕐᑐᓂ 15ᓂᒃ, ᐃᖃᓗᓐᓃᓂᕐᖕᒥᓐᓂ ᐊᑖᑕᖓᑕ ᐃᓚᖏᑕᓗ ᖃᑦᓯᒻᒪᕇᒃᑭᐊᖅ, ᐊᑖᑕᖓᑕ ᕿᒻᒥᖏᑦ ᐊᓂᖓᑕᓗ ᕿᒻᒥᖏᑦ ᑐᖁᑕᐅᓪᓗᑎᒃ. ᑭᓐᖓᕐᓄᑦ ᐅᑎᖅᑐᒥᓂᐅᓕᕐᑐᖅ ᖃᖓᑕᓲᒃᑯᑦ. ᐃᖅᑲᐅᒪᔪᖅ ᐊᑖᑕᖓ ᕿᒻᒦᔭᕐᑕᐅᕋᑖᕐᑐᓂ, ᓂᓐᖓᐅᒪᓂᓕᐊᓘᓕᓚᐅᕐᑐᖅ ᐃᒥᐊᓗᖕᒧᑦ ᓵᒃᑐᓂ. ᑲᓇᔪᖅ ᐃᖅᑲᐅᒪᔪᖅ ᒪᕐᕉᓐᓂᒃ ᓱᕈᓰᓐᓂᒃ ᕿᒻᒥᒧᑦ ᐹᔭᐅᔪᖃᕐᑐᒥᓂᐅᒋᐊᖓ ᓂᕕᐊᕐᓯᐊᖑᓪᓗᓂ, ᐃᓚᒋᔭᐅᓪᓗᓂ ᓄᑲᖓ ᐱᖓᓱᓂᒃ ᐅᑭᐅᖃᕐᑐᓂ.