ᒪᖏᑦᑕᖅ ᕿᓕᑉᐸᓕᒃ

QTCD10IN

ᒪᖏᑦᑕᖅ ᕿᓕᑉᐸᓕᒃ ᐃᓅᓕᓚᐅᖅᑐᖅ 1940ᒥ ᑭᙵᐃᑦ ᖃᓂᒋᔮᓂ ᐅᖓᓯᓗᐊᙱᑦᑐᒥ. ᐅᓂᒃᑲᐅᓯᒃᑯᑦ ᓇᓗᓇᐃᖅᓯᓂᕆᔭᖓ ᑐᓴᐅᓯᕐᓇᖅᐳᖅ ᐸᓖᓯᒥᒃ ᐃᓄᖕᒥᒡᓗ ᑐᖂᑦᑎᓇᓱᒃᑐᓂᒃ ᕿᒻᒥᕐᓂᒃ 1960-ᖏᓐᓂ. ᐅᔾᔨᕈᓱᓕᕐᒪᑦ ᕿᒻᒥᖏᑦ ᖁᑭᖅᑕᐅᓂᐊᓕᖅᑐᑦ, ᓂᙵᒡᔪᐊᓚᐅᖅᐳᖅ ᕿᒻᒥᖏᑦ ᖁᑭᖅᑕᐅᔪᓐᓃᖅᖢᑎᒃ. ᐸᓖᓯᒃᑯᑦ ᐅᑎᒃᑲᓐᓂᕐᒪᑕ, ᑎᒍᔭᐅᓚᐅᖅᐳᖅ, ᓱᑰᖅᑕᐅᕐᔪᐊᓚᐅᖅᖢᓂ, ᑐᓐᓂᐊᓵᕆᔭᐅᓪᓗᓂᓗ ᐸᓖᓯᓄᑦ ᓂᙵᖕᓂᕆᓚᐅᖅᑕᖓᓄᑦ ᕿᒻᒥᖏᓐᓂᒃ ᖁᑭᖅᓯᓇᓱᖕᒪᑕ. ᑭᖑᓂᐊᒍᑦ ᕿᒦᑦ ᖁᑭᖅᑕᐅᓕᓚᐅᖅᐳᑦ ᐸᓖᓯᓄᑦ 1965-ᒥ ᐊᐅᓪᓚᖅᓯᒪᑎᓪᓗᒍ. ᕿᒻᒥᖏᑦ ᐃᐲᙶᓚᐅᖅᐳᑦ, ᕿᒻᒥᐅᓪᓗ ᐊᑖᓄᑦ ᕿᒫᓐᓂᖅᖢᑎᒃ ᑕᐃᑲᓂᓗ ᖁᑭᖅᑕᐅᓪᓗᑎᒃ ᓄᓕᐊᖓ ᕿᑐᕐᖓᖏᓪᓗ ᐊᖏᕐᕋᖅᓯᒪᑎᓪᓗᒋᑦ.