ᐃᓱᖃᓐᖏᑦᑐᖅ ᐃᑦᑐᖓᑦ

QTCD08IN

ᐃᓱᖃᓐᖏᑦᑐᖅ ᐃᑦᑐᖓᑦ ᐃᓅᓚᐅᕐᓯᒪᔪᖅ 1947ᖑᑎᓪᓗᒍ. ᑭᓐᖓᕐᓅᓚᐅᕐᓯᒪᔪᑦ ᓯᕗᓪᓕᖅᐹᒥ ᐅᑭᐅᖃᕐᑐᓂ 9ᓂᒃ ᖁᓕᓂᓪᓘᓐᓃᑦ. ᒪᓕᓐᓂᓚᐅᕐᓯᒪᔪᖅ ᐸᓖᓯᒃᑯᓐᓂᒃ ᐃᖃᓗᓐᓂᑦ ᑭᒻᒥᕈᕐᖕᒥᓪᓘᓐᓃᑦ ᑎᑭᑦᑐᓂᒃ ᑕᑯᓐᓇᓕᕐᑐᓂᓗ ᕿᒻᒥᓂᒃ ᑐᖁᕋᐃᑎᓪᓗᒋᑦ. ᐃᓄᐃᑦ ᖃᓪᓗᓇᕐᔨᐊᕐᓯᒪᔪᑦ ᓂᕿᑦᓴᒧᑦ ᓄᓇᒥᓐᓂᒃ ᕿᒻᒥᒥᓂᒃ ᑕᒫᓂᖅᑭᑎᑦᓯᖃᑦᑕᓚᐅᕐᖓᑕ. ᕿᒻᒦᑦ ᑐᖁᕋᕐᑕᐅᓪᓗᑎᒃ ᑕᒫᓂᖅᑭᔪᑦ ᖃᓂᒪᓂᑯᒨᔾᔭᖏᑦᑐᖅ ᐱᕐᓕᕐᓂᐅᓴᓐᖏᑦᑐᓪᓘᓐᓃᑦ. ᖃᐅᔨᒪᓐᖏᑦᑐᖅ ᖃᑦᓯᓪᓚᒃᑖᓂᒃ ᕿᒻᒥᓂᒃ ᑐᖁᕋᐃᓐᓂᕐᒪᖔᑕ ᑭᓯᐊᓂᓕ ᐊᒥᓱᐊᓘᓂᕋᕐᑕᖏᑦ. ᓄᓇᓕᕋᓛᓄᑦ ᐃᓚᒌᑦ ᕿᑐᕐᖓᕇᑦ ᓄᓇᖃᕆᐊᕐᑐᑲᐃᓐᓇᓚᐅᕐᑐᑦ. ᕿᒻᒥᓂ ᑐᖁᑦᑐᓂᒋᑦ ᐃᓚᖏᑕᓗ ᕿᒻᒥᖏᑦ ᓄᓇᖅᑲᑎᖏᑦᑕ ᑐᖁᓐᓂᕐᑐᓂᒋᑦ ᐅᑎᖅᐸᓪᓕᐊᓕᕋᒥᒃ ᑭᓐᖓᕐᓄᑦ ᐅᖃᐅᔾᔭᐅᒐᒥᒃ ᕿᒻᒥᖃᕆᐊᖃᓐᖏᓐᓂᖓᓂᒃ. ᐅᓂᒃᑳᕐᑐᓂ ᖃᓄᑎᒋ ᐃᑉᐱᓐᓇᕐᑎᒋᓐᓂᕐᒪᖔᑦ ᐃᓚᔮᒥᓄᑦ. ᐅᓂᒃᑳᕆᓪᓗᓂ ᐃᓕᓴᐃᔨᓄᑦ ᐱᓂᕐᓗᒃᑕᐅᖃᑦᑕᓚᐅᕋᒥ ᐃᓕᔮᕆᔭᐅᓕᕐᑐᓂ ᓄᑲᕐᖕᒥᓂᒃ ᐃᑲᔪᕈᒪᖔᕐᖕᓂᕋᒥ ᐃᓕᓐᓂᐊᕆᐊᓐᖏᖔᕐᓗᓂ.