ᐃᔨᑦᓯᐊᖅ ᐲᑕ

QTCD01IN

ᐃᔨᑦᓯᐊᖅ ᐲᑕ ᐃᓅᓕᓚᐅᖅᑐᖅ 1937ᒥ ᕿᑭᖅᑖᓘᑉ ᕿᑎᐊᓂ, ᓇᑦᑎᓕᖕᒥ. ᒫᓐᓇ ᑭᙵᕐᒥᐅᑕᐅᓕᖅᑐᖅ. ᐅᓂᒃᑲᐅᓯᒃᑯᑦ ᓇᓗᓇᐃᖅᓯᓂᕆᔭᖓ ᑐᓴᐅᓯᕐᓇᖅᐳᖅ ᕿᒻᒥᖏᑦ ᑐᖁᑕᐅᓚᐅᕐᓂᖏᓐᓂᒃ. ᐃᖅᑲᓇᐃᔭᖅᑎᓪᓗᒍ, ᕿᒻᒥᓐᓇᕆᓛᕆᓚᐅᖅᑕᖓ ᐃᓱᕋᖅᑐᔪᖁᑎᖓᓗ ᑐᖁᑕᐅᓚᐅᖅᐴᒃ. ᑭᖑᓂᐊᒍᑦ, ᑭᓱᖃᕈᓐᓃᓕᓚᐅᖅᐳᖅ ᓂᐅᕕᕈᓐᓇᐃᓪᓕᓪᓗᓂᓗ ᓯᑭᑑᕐᒥᒃ. ᐸᓖᓯᒃᑯᑦ ᖁᑭᖅᓯᔪᑑᖃᑦᑕᙱᓐᓂᕋᓚᐅᖅᐸᖏᑦ, ᐃᓄᓕᕆᔨᒃᑯᑦ ᐃᓚᐅᖃᑦᑕᕐᓂᕋᐃᓪᓗᓂᒋᑦ. ᐅᒡᒍᐊᖅᐳᖅ ᖃᐅᔨᓇᓱᒃᑎᑦ ᐱᓕᕆᐊᖃᖅᑎᑕᐅᓴᕋᐃᓚᐅᙱᓪᓂᖏᓐᓂᒃ ᕿᒻᒥᖃᖅᑎᐅᓚᐅᖅᑐᑦ ᐊᒥᓱᑦ ᐃᓅᔪᓐᓃᖅᓯᒪᓕᕐᒪᑕ.. ᑎᒃᑯᐊᖅᑕᐅᓚᐅᖅᐳᖅ ᐸᓖᓯᒃᑯᓐᓄᑦ ᕿᒻᒥᓕᕆᔨᐅᓂᕐᒧᑦ ᑖᔅᓱᒪᖓᓗ ᐅᖃᓪᓚᖃᑎᖃᕈᓐᓇᓚᐅᖅᖢᓂ ᐸᓖᓯᒥᒃ.