ᒥᐊᓕ ᐊᑕᒍᑦᑖᓗᒃ

QTAB13IN

ᒥᐊᓕ ᐊᑕᒍᑦᑖᓗᒃ ᐃᓅᓕᓚᐅᖅᓯᒪᕗᖅ 1945ᒥ ᐃᒃᐱᐊᕐᔫᑉ ᖃᓂᒋᔮᓂ. ᐅᓂᒃᑲᐅᓯᒃᑯᑦ ᓇᓗᓇᐃᖅᓯᓂᕐᒥᒍᑦ ᑐᓴᐅᓯᖅᓯᕗᖅ ᐱᔾᔪᑎᖃᖅᑐᒥᒃ ᐊᖓᔪᖅᑳᖏᒃᑕ ᐃᑦᑐᒃᑯᖏᒃᑕᓗ ᓅᑕᐅᓂᕆᓚᐅᖅᓯᒪᔭᖓᓂᒃ ᑲᖏᖅᖢᒑᐱᖕᒥᑦ ᐸᖕᓂᖅᑑᒥᓪᓗ ᐃᒃᐱᐊᕐᔪᖕᒧᑦ, ᐊᒻᒪᓗᑦᑕᐅᖅ ᐊᑖᑖᑕ ᕿᒻᒥᖏᑦᑕ ᖁᑭᐊᔭᐅᓂᕆᓚᐅᖅᓯᒪᔭᖓᓂᒃ ᐃᓅᔪᓐᓃᓚᐅᖅᑎᓪᓗᒍ. ᐃᖅᑲᐅᒪᕗᖅ ᐅᖃᐅᔾᔭᐅᖃᑦᑕᓚᐅᕐᓂᕐᒥᓂᒃ ᐃᓚᖏᑕ ᓅᑎᑕᐅᓂᖓ ᐊᒃᓱᕉᓴᒍᑕᐅᖃᑦᑕᓚᐅᕆᐊᒃᓴᖓᓂᒃ. ᐊᑖᑕᖓᑕ ᕿᒻᒥᖏᑕ ᑐᖁᕋᖅᑕᐅᓂᖓ ᐊᓂᖏᓐᓄᑦ ᐊᖑᓇᓱᒍᓐᓇᐃᓪᓕᔾᔪᑎᒋᔭᐅᓚᐅᖅᓯᒪᕚ. ᐊᓈᓈ ᐊᒃᓱᕈᐊᓪᓚᒃᓯᒪᓚᐅᖅᓯᒪᕗᖅ ᐊᑕᐅᑦᑎᒃᑯᑦ ᐅᐃᒡᒐᖅᖢᓂᓗ ᕿᒻᒥᖃᕈᓐᓃᖅᑕᐅᓂᖏᓐᓂᒡᓗ. ᐅᖃᐅᔾᔭᐅᓚᐅᖅᓯᒪᙱᑦᑐᖅ ᖃᓄᐃᒻᒪᑦ ᕿᒻᒥᑦ ᑐᖁᕋᖅᑕᐅᓚᐅᖅᓯᒪᖕᒪᖔᑕ.