ᔫᐱ ᐃᓯᒐᐃᑦᑐᖅ

QTAB07IN

ᔫᐱ ᐃᓯᒐᐃᑦᑐᖅ ᐃᓅᓚᐅᖅᓯᒪᔪᖅ ᐃᑉᐱᐊᕐᔪᖕᒥ 1949ᖑᑎᓪᓗᒍ ᓅᓕᓚᐅᕆᓪᓗᑎᒃ ᐃᒡᓗᓕᐅᑉ ᖃᓂᒋᔮᓄᑦ ᑭᖑᓂᐊᒍᑦ. ᐃᖅᑲᐅᒪᑦᓯᓪᓗᓂ ᖃᓪᓗᓈᒥᒃ ᑕᑯᔭᕆᐅᕐᓂᒥᓂᕐᖕᒥᓂᒃ ᐱᖓᓲᔪᕐᑐᓂᒃ ᐅᑭᐅᖃᕐᑐᓂ ᓄᓇᒥᓂ. ᐊᔪᕆᕐᑐᐃᔨᐅᓚᐅᕐᑐᖅ ᖃᓪᓗᓈᖅ. ᐅᑭᐅᖃᕐᑐᓂ 19ᓂᒃ, ᓅᓚᐅᕐᑐᒥᓂᖅ ᐃᒡᓗᓕᖕᒧᓐ. ᑕᐃᑦᓱᒪᓂ ᐃᓚᒌᑦ ᕿᒧᑦᓯᒃᑯᑦ ᑭᓯᐊᓂ ᐃᖏᕐᕋᕙᓚᐅᕐᖓᑕ. ᓄᓇᖅᑲᑎᒌᓄᑦ ᐊᑕᐅᑦᓯᒧᑦ ᓅᖃᑕᐅᒐᒥᒃ, ᐃᐱᐅᑕᑦᓴᖃᓐᖏᓐᓇᒥᒃ ᕿᒻᒥᒥᓄᑦ ᐊᖅᓵᕐᑑᔭᓂᑦ ᑕᒫᓂᕐᕆᑎᑦᓯᑐᐃᓐᓇᓕᕐᑐᒥᓃᑦ ᓯᑯᒥ. ᐊᕐᕌᒍᖓᓂ 1965, 1966ᓘᓐᓃᑦ, ᐃᕙᓗᐊᕐᔪᒃ ᖁᑭᖅᓴᓚᐅᕐᑐᒥᓂᖅ ᔫᐱᐅᑉ ᕿᒻᒥᖏᑕ ᐃᓚᖏᓐᓂᒃ ᑭᖑᓂᐊᒍᑦ ᑭᓯᐊᓂ ᑐᑭᓯᓕᓚᐅᕐᑐᖅ ᐃᕙᓗᐊᕐᔪᒃ ᑎᓕᔭᐅᓯᒪᓐᓂᕐᖓᑦ ᑕᐃᒪᐃᖁᔭᐅᓪᓗᓂ. ᐊᕐᕌᒍᓕᒫᐸᓗᒃ ᖄᖏᕐᓯᒪᓕᕐᑎᓪᓗᒍ ᖃᐅᔨᒃᑲᖅᑕᐅᓕᓚᐅᕐᓯᒪᔪᑦ ᕿᒻᒦᑦ ᐱᑐᒃᓯᒪᔭᕆᐊᖃᓕᕐᖓᑕ ᓂᐅᕕᕐᑐᒥᓂᐅᓪᓗᓂᓗ ᐊᖅᓵᕐᑑᔭᓂᒃ ᐱᑑᑎᒃᓴᒥᓂᒃ.