ᐃᖃᓗᐃᑦ, ᓄᓇᕗᑦ − ᒪᐃ 21, 2025 − ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐅᐱᒍᓱᒃᐳᑦ ᓇᓗᓇᐃᕐᓯᔭᕆᐊᔅᓴᖅ ᐋᖅᑭᔅᓱᐃᑦᑎᐊᔪᒻᒪᑕ ᕿᑭᖅᑕᓂ ᓱᓕᔪᒥᒃ ᑭᒡᓕᓯᓂᐊᖅᑏᑦ ᐅᓂᒃᑳᖏᑦ ᐋᖅᑭᑦᑎᐊᖅᓯᒪᓂᖅᓴᒥᒃ ᓴᖅᑭᔮᖁᓪᓗᒋᑦ ᐊᕕᒃᑐᖅᓯᒪᔪᓂᑦ ᐊᓯᔾᔨᖅᑐᓄᑦ ᐊᒻᒪᓗ ᑎᑎᖅᑲᐃᑦ ᐊᒥᓲᓂᕐᓴᓄᑦ ᑕᑯᔭᐅᔪᓐᓇᖁᓪᓗᒋᑦ.
ᐋᖅᑭᓱᖅᑕᐅᑦᑎᐊᕐᓯᒪᔪᑦ ᐅᓂᒃᑳᑦ ᑕᑯᔭᔅᓴᐅᕗᑦ ᕿᑭᖅᑕᓂ ᓱᓕᔪᒥᒃ ᑭᒡᓕᓯᓂᐊᖅᑏᑦ ᐃᑭᐊᖅᑭᕕᖓᓐᓂ, https://www.qtcommission.ca/iu
ᑐᓴᕈᒥᓇᖅᑐᑦ ᐋᖅᒋᐊᖅᑕᐅᓯᒪᔪᑦ ᐅᑯᐊ:
- ᑎᑎᖅᑲᐃ ᓇᓗᓇᐃᕐᓯᒋᐊᕈᑕᐅᓯᒪᔪᑦ ᐊᑖᓂ, ᐊᑐᖅᑕᐅᔪᓐᓇᖅᑐᑦ ᐃᓕᓐᓂᐊᖅᑎᓄᑦ ᖃᐅᔨᓴᖅᑎᓄᓪᓗ ᐃᓕᓐᓂᐊᕈᑕᐅᓗᑎᒃ
- ᓄᑖᕈᕆᐊᖅᖢᒋᑦ ᓄᓇᓖᑦ ᐊᑎᖏᑦ, ᓲᕐᓗ ᑭᖓᐃᑦ ᐊᒻᒪᓗ ᓴᓂᕋᔭᒃ
- ᓇᓗᓇᐃᖅᑐᒋᑦ ᐃᓄᐃᑦ ᐊᔾᔨᙳᐊᓃᑦᑐᑦ ᓇᓗᓇᐃᖅᑕᐅᓂᑰᙱᒻᒪᑕ ᓯᕗᓪᓕᕐᓂᑦ
- ᓄᑖᕈᖅᑎᖦᖢᒋᑦ ᓄᓇᖑᐊᑦ ᓄᓇᐃᓪᓗ ᑕᐃᔭᐅᔾᔪᓯᖏᑦ ᐃᓄᒃᑎᑐᑦ
- ᓄᑖᕈᖅᑎᖦᖢᒋᑦ ᐃᓄᒃᑎᑐᑦ, ᓄᓇᓕᑦ ᐅᖃᐅᓯᖏᑎᒍᑦ ᕿᑭᖅᑕᓂ ᓄᓇᓕᖕᓂᑦ
ᕿᑭᖅᑕᓂ ᓱᓕᔪᒥᒃ ᑭᒡᓕᓯᓂᐊᖅᑏᑦ ᓯᕗᓪᓕᖅᐸᐅᓪᓗᓂ ᐃᓄᖕᓂ ᐊᑭᓕᖅᑕᐅᓪᓗᓂ ᐊᒻᒪᓗ ᐃᓄᖕᓄᑦ−ᐊᐅᓚᑕᐅᓪᓗᓂ ᐃᓄᓕᕆᓂᕐᒧᑦ ᒪᓕᒐᓕᕆᓂᕐᒥ ᐱᓇᓱᐊᕈᑕᐅᓯᒪᔪᖅ ᑕᐃᒫᒃ. ᐱᓕᕆᓂᐅᔪᖅ ᐱᒋᐊᓚᐅᖅᓯᒪᔪᖅ ᐊᕐᕌᒍ 2000 ᐱᒋᐊᕋᑖᖅᑎᓪᓗᒍ, ᕿᑭᖅᑕᓂᒃᑯᑦ ᒪᑭᕕᒃ ᑯᐊᐳᕇᓴᓐ ᓄᓇᕕᖕᒥ ᖃᐅᔨᓴᖁᔨᓚᐅᕐᓯᒪᒻᒪᑕ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐃᓄᓕᒫᓄᑦ ᓴᖅᑭᔮᖅᑐᒥᒃ ᑐᖁᕋᖅᑕᐅᓚᐅᖅᓯᒪᓂᖏᓐᓄ ᕿᒻᒦᑦ 1950 ᐊᒻᒪᓗ 1975 ᐊᕐᕌᒍᐃᑦ ᐊᑐᖅᑎᓪᓗᒋᑦ.
2010−ᖑᑎᓪᓗᒍ, ᓇᓗᓇᐃᕐᓯᓯᒪᔪᑦ 25ᓂᑦ ᐊᑐᓕᖁᔨᔾᔪᑕᐅᓯᒪᔪᓂᑦ ᑖᒃᑯᐊ ᐊᕕᑦᑐᕐᓯᒪᓪᓗᒋᑦ ᑎᓴᒪᐅᓕᖅᑲᖓᔪᑦ: ᖃᐅᔨᓗᒋᑦ ᐊᒻᒪᓗ ᒪᒥᓴᕐᓗᒋᑦ ᐱᑦᑎᐊᖅᑕᐅᒋᓐᓂᑯᐃᑦ; ᐃᓄᐃᑦ ᐊᐅᓚᑦᑎᔪᓐᓇᕐᓯᒋᐊᒃᑲᓐᓂᖁᓪᓗᒋᑦ; ᓲᖑᓯᑎᑕᐅᒋᐊᒃᑲᓂᕐᓗᓂ ᐃᓄᐃᑦ ᐃᓕᖅᑯᓯᖓᑦ, ᐊᒻᒪᓗ ᓄᓇᓖᑦ ᓄᓇᖅᑲᑎᒌᑦᑎᐊᖁᓪᓗᒋᑦ. ᓯᕗᓪᓕᐅᔾᔨᓯᒪᓪᓗᑎᒃ ᐊᑐᓕᖁᔨᔾᔪᑕᐅᓯᒪᔪᓂᑦ, ᕿᑭᖅᑕᓂᒃᑯᑦ ᐊᑐᖅᑐᑦ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᐸᕐᓇᑕᐅᓯᒪᔪᓂᑦ ᑐᑭᒧᐊᒍᙱᒋᓪᓗᒋᑦ ᐊᖅᑭᔅ)ᐃᓪᓗᑎᒃ ᐃᖅᑲᓇᐃᔮᖑᖃᑦᑕᓂᐊᖅᑐᑦ ᐃᓅᓯᕐᒨᖓᔪᓂᑦ ᐊᑐᐊᒐᕐᓂᑦ ᐊᒻᒪᓗ ᐃᓅᓯᕐᒨᖓᔪᓂᑦ ᐃᑲᔫᑎᓂᑦ ᐊᑐᖅᑕᐅᔭᕆᐊᖃᓪᓚᕆᑦᑐᓂᑦ ᒫᓐᓇ.
ᐊᑐᓕᖁᔭᐅᔪᖅ 2 ᕿᑭᖅᑕᓂ ᓱᓕᔪᒥᒃ ᑭᒡᓕᓯᓂᐊᖅᑏᑦ ᐱᔭᕇᕈᑎᖏᓐᓂᒃ ᐅᓂᒃᑳᓂᑦ ᐃᒪᐃᓕᖓᒻᒪᑦ,, “ᑭᓪᓕᓯᓂᐊᖅᑏᑦ ᑕᐃᔅᓱᒪᓂᓕᓴᐃᑦ ᓄᐊᓯᒪᔭᖏᑦ (ᐅᓂᒃᑳᑦ, ᑐᑭᓯᐅᒪᔾᔪᑎᔅᓴᐃᑦ ᐅᓂᒃᑳᒥᓃᓪᓗ) ᑕᑯᔭᔅᓴᐅᔪᓐᓇᕆᐊᓖᑦ ᑕᒪᕐᒥᒃ ᐱᖃᑕᐅᓯᒪᔪᓄᑦ ᐊᒻᒪᓗ ᑭᓇᑐᐃᓐᓇᕐᒧᑦ ᖃᐅᔨᔪᒪᔪᒧᑦ ᑐᑭᓯᑦᑎᐊᕈᒪᔪᓄᑦ ᐊᒻᒪᓗ ᑕᑯᑎᑦᑎᑦᑎᐊᕈᒪᒐᔭᖅᑐᓄᑦ ᕿᑭᖅᑕᓂ ᐊᑐᖅᑕᐅᓪᓚᑦᑖᓚᐅᕐᓯᒪᔪᓂᒃ.”. ᑖᒃᑯᐊ ᑕᐃᒪᐃᓕᖓᑎᓪᓗᒋᑦ, ᕿᑭᖅᑕᓂᒃᑯᑦ ᐃᓚᒋᔭᐅᕙᑦᑐᑦ ᐅᓂᒃᑳᖃᕐᐸᑦᑐᑎᒃ ᓄᑖᕈᖅᑎᑦᑎᒋᐊᕐᐸᑦᑐᑎᓪᓗ ᐃᓚᖏᓐᓂᒃ ᐊᑐᕐᓯᒪᔭᑦᑎᓐᓂᒃ, ᐱᓗᐊᖅᑐᒥᑦ ᑕᐃᔅᓱᒪᓂ 1950ᒥᑦ 1975ᒧᑦ ᐊᑐᖅᑕᐅᓂᑯᓂᑦ ᐊᒻᒪᓗ ᐋᖅᑭᒋᐊᖅᑕᐅᓯᒪᔪᑦ 2024ᒥ ᐅᓂᒃᑳᑦ ᐱᖃᓯᐅᔾᔨᓯᒪᔪᑦ ᓄᓇᓖᑦ ᐊᑐᕐᓯᒪᔭᖏᓐᓂᒃ ᐊᒻᒪᓗ ᐱᔾᔪᑎᖏᑕ ᒥᔅᓵᓅᖓᔪᓂᑦ ᐅᓂᒃᑳᓂᑦ.
ᑐᓴᕋᔅᓴᐅᑉ ᒥᔅᓵᓄᑦ ᑐᑭᓯᔪᒪᒍᔅᓯ, ᐊᑏ ᑐᑭᓯᒋᐊᕐᕕᐅᖃᑦᑕᕐᓕ:
ᑭᐅᕋᓐ ᕙᓛᕋᑎ
ᑐᑭᒧᐊᖅᑎᑦᑎᔨ ᑐᓴᐅᒪᖃᑦᑕᐅᑎᔾᔪᑎᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
ᐅᖄᓚᐅᑎᒃᑯᑦ 867.975.8398 ᐅᕝᕙᓘᓐᓃ ᐊᑭᖃᖏᑦᑐᒃᑯᑦ 1.800.667.2742
kflaherty@qia.ca