ᓴᐃᒻᒪᖃᑎᒌᒃᐸᓪᓕᐊᓂᖅ

"ᐃᓱᒪᒋᔪᓐᓇᐃᖅᑕᐅᔪᓐᓇᕐᓂᐊᖁᓪᓗᒋᑦ ᓱᓕᓂᖅᑕᖃᕆᐊᓕᒃ ᐊᒻᒪᓗ ᑐᑭᓯᓂᕋᕐᓗᑎᒃ ᐊᑐᖅᑕᐅᓚᐅᕐᓯᒪᔪᓂᑦ "

ᔮᓐ ᐊᒪᕈᐊᓕᒃ

ᑖᒃᑯᐊ ᑭᒥᓴᒃᑯᑦ ᐊᒥᓱᓂᒃ ᑐᓵᓚᐅᖅᑐᑦ ᓴᐃᒪᓇᓐᖏᑦᑐᓂᒃ ᐅᓐᓂᕐᓗᒃᓴᕈᑕᐅᓚᐅᖅᑐᓄᑦ, ᐊᑦᑐᐃᒍᑕᐅᓯᒪᔪᐃᓐᓇᐅᓐᖏᑦᑐᖅ ᑭᓯᐊᓂᓗ ᖃᓄᖅ ᑖᕙᓐᖓᓂᑦ ᐊᑦᑐᕈᑎᒋᔭᐅᓯᒪᖏᓐᓄᑦ, ᑭᓯᐊᓂᓗ ᐊᖃᐅᓯᖃᖅᓯᒪᓪᓗᑎᒃ ᒪᒥᓴᖅᐸᓪᓕᐊᒋᐊᖃᕐᓂᖅ ᓴᐃᒻᒪᖃᑎᒌᒋᐊᖃᕐᓂᕐᒥᓪᓗ. ᐊᒥᓱᑦ ᐅᓐᓂᕐᓗᒃᓴᓚᐅᖅᑐᑦ ᐊᑐᓕᖅᑎᑦᓯᖁᔨᓚᐅᕐᒪᑕ ᖃᓄᖅᑑᕈᑎᒃᓴᓂᒃ ᖃᓄᐃᓕᐅᕈᑕᐅᓂᐊᖅᑐᓄᑦ ᐃᓄᓐᓄᑦ ᓯᕗᒧᐊᕈᑎᒋᔭᐅᓂᐊᖅᑐᓄᑦ ᐱᐅᓂᖅᓴᒥᒃ ᓯᕗᓂᒃᓴᖃᕈᓐᓇᖁᓪᓗᒋᑦ.

ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᒃᑯᑦ ᐊᑐᓕᖅᑎᑦᓯᓂᕐᒧᑦ ᐸᕐᓇᐅᑎ ᐱᕙᓪᓕᐊᑎᑕᐅᓚᐅᖅᑐᑦ 2011ᒥ ᐊᒻᒪᓗ ᓇᓗᓇᐃᔭᐃᓯᒪᓪᓗᓂ 25ᖑᔪᓂᒃ ᐊᑐᓕᖁᔭᐅᓯᒪᔪᓂ ᑎᓴᒪᐅᓕᖓᔪᒃᑯᑦ ᐊᕕᒃᑐᖅᓯᒪᓪᓗᑎᒃ; ᓇᓗᓇᐃᖅᓯᓂᕐᒥᒃ ᑖᒻᒪᕈᑎᐅᔪᑦ ᒪᒥᓴᐅᑎᒋᓗᒋᑦ ᑖᒻᒪᕈᑎᐅᓚᐅᖅᑐᑦ; ᓴᓐᖏᓂᖅᑖᖅᑎᑦᓯᓂᕐᒥᒃ ᐃᓄᐃᑦ ᐊᐅᓚᓂᖏᓐᓄᑦ; ᓴᓐᖏᓂᖅᑖᒃᑲᓐᓂᕐᓗᓂ ᐃᓄᐃᑦ ᐃᓕᖅᑯᓯᖓᑦ; ᐊᒻᒪᓗ ᖃᓄᐃᓐᓂᖏᓐᓴᐅᓕᖁᓪᓗᒋᑦ ᓄᓇᓖᑦ. ᑖᒃᑯᐊ ᐋᖅᑭᒃᑕᐅᓗᑎᒃ ᐊᑐᓕᖁᔭᐅᓯᒪᔪᑦ ᓇᓪᓕᐊᒃ ᓯᕗᓪᓕᐅᑎᑕᐅᖅᑳᕆᐊᖃᕐᓂᖏᑎᒍᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᑐᕐᓂᐊᖅᑕᖓᑦ ᐊᑐᓕᖅᑎᑦᓯᓂᕐᒧᑦ ᐸᕐᓇᐅᑎᖏᑦ ᒪᓕᒐᕆᓗᒍ ᒪᑉᐱᒐ  ᐋᖅᑭ5ᑉᐸᓪᓕᐊᒍᑎᒋᔭᐅᓗᑎᒃ ᐱᓕᕆᐊᒃᓴᐅᓂᐊᖅᑐᑦ ᑐᕌᖓᔪᑦ ᐃᓅᓯᓕᕆᓂᕐᒧᑦ ᐊᑐᐊᒐᒃᓴᓂᒃ ᐊᒻᒪᓗ ᐃᓅᓯᓕᕆᓂᕐᒧᑦ ᐱᔭᒃᓴᐅᔪᓂᓪᓗ ᐊᒻᒪᓗ ᖃᓄᖅ ᓴᖅᑭᑎᑕᐅᓂᐊᕐᓂᖏᑦ ᑕᒪᒃᑯᐊ ᑕᒡᒐ ᑐᐊᕕᐊᕆᔭᐅᓗᑎᒃ ᓴᖅᑭᒋᐊᖃᖅᑐᑦ.

 

ᐱᕙᓪᓕᐊᔪᑦ & ᖃᓄᐃᓕᐅᕐᐅᔪᑦ

  • 09 ᐅᑐᐱᕆ 2013
    ᐃᖃᓗᐃᑦ, ᓄᓇᕗᑦ. ᐊᒃᑑᑉᐱᕆ 1, 2013. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐅᓪᓗᒥ ᓴᖅᑭᑎᑦᑎᔪᑦ ᐅᖃᐅᓯᒃᑯᑦ ᐱᕕᐅᓂᐊᖅᑐᒥᑦ ᓴᖅᑭᑦᑎᓗᑎᒃ ᐅᓄᖅᑐᓂᒃ ᐅᓂᒃᑳᓕᐊᖑᓯᒪᔪᓂᒃ ᐊᒃᑐᐊᔪᓂᒃ ᕿᑭᖅᑕᓂ ᓱᓕᔪᓂᒃ ᑭᒡᓕᓯᓂᐊᖅᑎᒃᑯᓐᓄᑦ. ᑕᒪᒃᑯᐊ ᐅᓂᒃᑳᑦ ᐃᓚᖃᖅᑐᑦ ᒪᑯᓂᖓ ᓄᓇᓕᓐᓂ ᐃᓕᖁᓯᑐᖃᐅᓚᐅᖅᓯᒪᔪᓂᑦ ᐅᐊᑦᑎᐊᕈ ᑕᐃᓱᒪᓂ ᐊᑐᓂᑦ ᐅᑯᓄᖓ 11 ᓄᓇᓖᑦ ᕿᑭᖅᑖᓗᒻᒥ; ᒪᕐᕉᒃ ᐊᔾᔨᐅᖏᑦᑑᒃ ᖃᐅᔨᓴᕈᑕᐅᓯᒪᔪᑦ: ᖃᐅᔨᓐᓂᑯᖏᑦ ᐸᓖᓰᑦ ᐊᒻᒪᓗ ᐃᓄᐃᑦ ᕿᒻᒥᖏᑕ ᒥᒃᓵᓄᑦ  (2006) ᐅᓂᒃᑳᑦ ᐊᒻᒪᓗ; ᐅᑯᐊ ᐃᓱᒪᒋᔭᐅᓐᖏᐊᓐᖓᖅᓯᒪᔪᑦ ᑲᓇᒥ... ᐅᖃᓕᒫᒃᑲᓐᓂᕆᑦ.